Tërmeti në Kroaci/ Rama hap ‘thesin’, dhuron 250 mijë euro për rilindjen e Petrinjës

Pas tërmetit të fuqishëm 6.4 ballë që goditi Kroacinë dje, kryeministri Edi Rama ka njoftuar se Shqipëria i ka ardhur në ndihmë këtij shteti.

Me anë të një reagimi në rrjetet sociale, kreu i qeverisë bën me dije se ka nënshkruar dekretin për ti dhuruar 250 mijë euro Kroacisë për rilindjen e qytetit Petrinja.

“Sapo nënshkrova dekretin e Qeverisë së Shqipërisë për t’i dhuruar 250 mijë euro Kroacisë vëllazërore për të ndihmuar në rilindjen e Petrinja, pas tërmetit shkatërrues. Kroacia është një shembull i rezistencës dhe një model për ne në transformimin e saj të mahnitshëm në një vend krenar të BE-së”, shkruan Rama.