“Nuk ishte provokim” Ambasada ruse i përgjigjet Ramës për vaksinën: Shprehëm gadishmërinë për të ndihmuar

Pas deklaratës së kryeministrit Edi Rama pak ditë më parë i cili e quajti të papërshtatshëm postimin e ambasadës ruse, ka ardhur dhe reagimi i këtij institucioni.

Me anë të një reagimi në rrjetet sociale, ambasada deklaroi se postimi ishte thjesht një reagim ndaj tweet-it të drejtorit të komunikimit, Endri Fuga dhe deklaratave të kryeminstrit Edi Rama, i cili përmendi vështirësinë për sigurimin e vaksinës.

Ajo shtoi se postimi shprehte gadishmërinë për të shqytuar aplikimet nga çdo vend i interesuar për blerjen e vaksinës ruse kundër k oronavirusit, përfshirë Shqipërinë.

“Në Rusi nuk ka dyshime se bashkimi i përpjekjeve të të gjitha shteteve, që kanë kryer kërkime shkencore dhe kanë teknologjitë përkatëse, do të ndihmojë njerëzimin të kapërcejë këtë fatkeqësi dhe të kthejë qytetërimin në rrugën e zhvillimit të qëndrueshëm. Në të njëjtën kohë, Moska nuk u vë asnjë kusht partnerëve potencialë.
Na vjen keq që vullneti i mirë i Rusisë, i shprehur publikisht, interpretohet si veprime provokuese”, përfundon ambasada.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern