LIGJET E BIZNESIT
Ditën e sotme kryebashkiaku Erion Veliaj vizitoi shtëpinë e rindërtuar të Ylli Troksit në Farkë, i cili prej vitesh punon si emigrant në Greqi.
Gjatë një bisede në Skype me kreun e Bashkisë së Tiranës, pikërisht nga shtëpia e tij e re, Ylli i tha Veliajt se tani është gati të lërë punën e tij të vështirë në bujqësi në Lamia të shtetit helen dhe të kthehet në vendin e tij, në Shqipëri, ku siç shprehet ai, puna e bërë në këto 8 vite qeverisjeje ka bërë që edhe ndryshimi të jetë shumë i madh.
“Qysh nesër e lë! Vetëm të kem punën atje. Jua bëftë Zoti mbarë e mirë! Sa keni bërë ju për 8 vjet, po të kishit qenë 20 vjet, Shqipëria sot do ishte super Amerikë,” shprehet i zoti i shtëpisë së rindërtuar, pas shkatërrimit të tërmetit të 26 Nëntorit.
Veliaj iu dorëzoi të afërmve të Ylli Troksit certifikatën e pronës dhe dokumentin hipotekor të shtëpisë së sapombaruar, ndërsa u shpreh se vendi ynë ofron punë edhe më të mirë për të.
“Do vijë një ditë që do e lësh Greqinë. Do vish të rrish këtu, se atë punë atje mund ta bëjmë edhe këtu, për bukuri,” u shpreh Veliaj në videotelefonatën mes tyre.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
