Çfarë ndodhi në Durrës? Moti i keq bën ‘kërdinë’, ja dëmi që ka shkaktuar era e fortë

Për shkak të motit të keq sot në Durrës janë pezulluar të gjitha lundrimet.

Ndërkohë era e fortë vijon të jetë prezente në Gjirin e Durrësit, duke mos kursyer as statujën e Redonit që gjendet pranë shëtitores “Taulantia”.

Statuja e Redonit, Perëndisë Ilire të Deteve dhe Ujërave, vepër e skulptorit Ilirjan Xhixha, ishte vendosur në një nga sheshet kryesore të bregdetit të Adriatikut, në Durrës, si një simbol i fuqisë dhe përkatësisë pellazgo-ilire.

Statuja e perëndisë Redon, e njohur më vonë dhe me emrin Rodon është rrëzuar nga era mesditën e sotme.