Të gjithë me sytë nga qielli/ Ky është fenomeni që do shfaqet për herë të fundit në këtë vit

“Hëna e Ftohtë”, ky është emri i hënës së fundit të plotë të vitit.

Ky fenomen do të shfaqet sot pasdite rreth orës 16:11 .

Për ta parë është shumë e thjeshtë, mjafton të shihni qiellin sigurisht nëse dhe moti do ta lejojë.

Hëna e plotë e ftohtë

Secila kulturë ka mënyrat e veta për të thirrur Hënat e Plota 12/13 të vitit. Në kulturën perëndimore ato quhen, sipas radhës kur shfaqen gjatë vitit: Ëolf Moon, Snos Moon, Ëorm Moon, Pink Moon, Floëer Moon, Straëberry Moon, Buck Moon, Sturgeon Moon, Corn Moon, Harvest Moon, Hunter’s (o Blue) Moon, Beaver Moon, ndërsa e fundit quhet Cold Moon, ose Hëna e Ftohtë.

Arsyet janë të dukshme: ndodh në dhjetor, muaj në të cilin fillon dimri dhe i ftohti – të paktën në hemisferën veriore të planetit. Është referuar gjithashtu si Long Night Moon, Hëna e Natës së Gjatë, sepse netët e dimrit janë më të errëtat dhe më të gjatat, veçanërisht pranë solsticit të dimrit (i cili këtë vit na dha spektaklin e Lidhjes së Madhe të Jupiterit dhe Saturnit).

Kur ta vëzhgojmë atë

Hëna e Ftohtë do të dalë në mbrëmjen e 29 Dhjetorit, në 16:11 pasdite. Sateliti ynë do të ketë një trajektore të lartë në qiell, duke mbetur kështu mbi horizont për një kohë më të gjatë se mesatarja.

Nëse mbrëmja është e qartë, thjesht ngrini sytë drejt qiellit për të shijuar hënën e fundit të plotë të vitit, por për ata që dëshirojnë të marrin vëzhgimin në nivelin tjetër, këshillohet të investojnë në dylbi ose në një teleskop të vogël.

Hëna tjetër e plotë

Pas Hënës së Ftohtë, Hëna e parë e plotë e vitit të ri (Hëna e Ujkut) do të shfaqet në 28 Janar.