LIGJET E BIZNESIT
Shefja e survejancës dhe shërbimit të inteligjencës epidemike në ISHP, Eugena Tomini ka deklaruar se përmes mostrave të analizuara nuk ka pasur asnjë variant të ri të koronavirusit.
Kujtojmë se mutacioni i Covid-19 është përhapur me shpejtësi në disa vende të botës.
Tomini ka thënë se nuk ka patur asnjë rast të dyshimtë që t’i drejtohen laboratorëve të referencës për të verifikuar nëse bëhet fjalë për variantin e ri apo jo.
“Diagnoza laboratorike kryhet në ISHP, dhe është një diagnozë molekulare, pcr që jemi mësuar tashmë dhe nëse përcaktohet një genome ndryshe nga genoma përcaktuese nëpërmjet testit të PCR për Covid-19 mostra e dyshimtë çohet në laboratorin e referencës në Berlin dhe Londër, ndaj themi që deri në këto momente nuk kemi diagnostikuar asnjë genome ndryshe dhe themi se nuk kemi dedektuar asnjë rast të ri të mutacionit të Covid-19”,- tha Tomini.
Sipas saj situata e koronavirusit në vendin tonë është e qëndrueshme.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
“Është një situatë e qëndrueshme të gjithë trendit të Covid në vend, parashikojmë që në javët e para të Janarit të vazhdojmë me të njëjtën qëndrueshmëri vetëm se duhet të respektojmë masat e distancimit”,- tha ajo.
