“Pranova me kënaqësi” Spiropali ndez ‘motorrët’ e fushatës, pi kafe me pensionistët e LANÇ

Ditën e sotme ministrja Elisa Spiropali ka marrë teserën e Komitetit të Veteranëve të Luftës Nacional-Çlirimtare, (LANÇ).

Pas takimit me ta, ajo ka postuar disa fotografi ku shpreh gëzimin dhe për kafen që ka konsumuar me ta dhe me kryetarin Rustem Peçi.

“Kënaqësi ta pish kafen e mëngjesit me Komitetin e Veteranëve të LANÇ. Mirënjohje për kryetarin, Rustem Peçi, dhe Komitetin drejtues që më ftuan dhe më mirëpritën me një ngrohtësi të jashtëzakonshme. Si pasardhëse luftëtari, stafetën e pranova me kënaqësi“-shkruan ajo.

Kujtojmë që veteranët e LANÇ-it janë cilësuar në vite si “shpirti” i Partisë Socialiste.

Sipas anketimeve, ata janë votuesit besnikë që nuk e ndryshojnë votën e tyre në bazë të programit, por vazhdojnë të shënojnë në fletën e votimit PS-në.