Rama foli për Greqinë/ Ylli Manjani ngre dyshime, ja deklarata e fortë që bën

Ish-ministri i Drejtësisë Ylli Manjani ka reaguar pas deklaratave të Edi Ramës për çështjen e detit me Greqinë.

Ai ngre dyshime të forta mbi atë që Rama tha se  ‘zgjerimi i Greqisë me 12 milje është e drejtë e saj’.

“Edi Rama insiston se “Greqia ka të drejtë” dhe se “zgjerimi i saj me 12 milje është e drejtë e saj”. Ai na informon se në 1990 e paskemi bërë dhe ne këtë gjë që po bën Greqia sot.

Po e lëmë mënjanë dhe fjalorin tejet fyes dhe të pa vend për Shqiptarët që e kritikojnë dhe i kërkojnë hesap. Po e lemë mënjanë, jo se nuk e meriton ti përvishesh mbrapsht, por fakt është se ai është i dhjeri përderisa gjen fjalë fyese vetëm për Shqiptarët dhe asnjë fjalë të tillë as për grekët e as serbët.

Po mirë, kur paska qenë kaq e kollajtë kjo punë, pra “Greqia qënka në të drejtën e vet”, përse Edi Rama denoncoi negociatat që bëri qeveria Berisha me ta?

Përse u ankua në Gjykatën Kushtetuese?! Përse Saliu ishte tradhëtari, që negocioi?!

Përse Grekët nuk u zgjeruan që atëherë, por e lanë për tani?!

Përse nuk na i tha që para 10 viteve këto gjëra që na i thotë sot, pasi më parë ja ka thënë në vesh Grekëve?!

Nëse ata që kritikojnë sot e i kërkojnë llogari na qenkan “llum e injorantë”, po Ai vetë që ka bërë gjithë atë gurgule ishte njësoj llum?! Apo e përdori për të mashtruar njerëzit për vota?!

Sido ta rrotullosh nuk del dot nga gropa e llumit ku ka rënë”, shkruan Manjani.