Varianti i ri i virusit në Angli bën ‘xhiron’ e botës, ja cilat janë shtetet që raportuan sot rastet e para

Varianti i ri i k oronavirusit i cili u zbulua për herë të parë në Britaninë e Madhe, ka nisur të përhapet në shtete të tjera.

Mësohet se sot Franca, Japonia dhe Suedia konfirmuan rastet e para të të infektuarve.

Sipas Agjencisë franceze të Shëndetit Publik, më 25 dhjetor një francez që jeton në Angli ka dalë pozitiv me C OVID19.

Në deklaratën për media thuhet se ai nuk ka simptoma dhe se është në vetizolim.

Disa vende të tjera evropiane kanë raportuar po ashtu raste të variantit të ri, i cili duket të jetë më ngjitës sesa koronavirusi origjinal, por jo edhe më vdekjeprurës.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern

Zyrtarët shëndetësorë gjithashtu kanë thënë se nuk ka prova se varianti i ri do të jetë rezistent ndaj vaksinave.

Ministri japonez i Shëndetësisë, Norihisa Tamura, tha të premten vonë se pesë njerëz janë dërguar në karantinë, pasi është konfirmuar se ata janë të infektuar me variantin e ri.

Të pestit kanë arritur në Japoni përpara se ky vend të vendoste një ndalesë të përkohshme për vizitorët e huaj nga Britania.

Aktualisht, vetëm shtetasit japonezë dhe shtetasit e huaj me leje qëndrimi lejohen të hyjnë në Japoni dhe ata duhet të kalojnë karantinën e detyrueshme prej 14 ditësh pas mbërritjes.

Njoftimi për shfaqjen e variantit të ri të koronavirusit në Britani ka bërë këtë javë që disa vende në botë t’i ndërpresin përkohësisht fluturimet nga Mbretëria e Bashkuar.

Varianti i ri i koronavirusit u zbulua ditën e sotme edhe në Suedi. Ishte pikërrisht një udhëtar i ardhur nga Mbretëria e Bashkuar u sëmur pas mbërritjes në Suedi dhe rezultoi pozitiv, tha të shtunën Agjencia Suedeze e Shëndetësisë.

Zyrtarët thanë se udhëtari, i cili nuk është identifikuar me emër, është mbajtur i izoluar pas mbërritjes në Suedi dhe se deri tani nuk është zbuluar asnjë rast tjetër pozitiv.