Kjo nuk pritej/ Gjermania shënon rastin e parë me variantin e ri të virusit, detaje nga gruaja që u infektua

Shënohet në Gjermani rasti i parë me variantin e ri të k oronavirusit, i cili u shfaq fillimisht në Angli.

Sipas mediave të huaja e infektuara është një grua, e cila kishte udhëtuar nga Londra drejt Gjermanisë.

Lajmin e ka dhënë Ministria gjermane e Shëndetësisë, e cila ka informuar se gruaja kishte mbërritur në aeroportin e Frankfurtit më datë 20 dhjetor.

“Ky është rasti i parë i njohur në Gjermani e landit, Baden-Wuerttemberg. Gruaja, kishte mbërritur në aeroportin e Frankfurtit më 20 dhjetor“- ka thënë Ministria e Shëndetësisë.

Mediat ndër të tjera bëjnë me dije se gruaja në fjalë pas konfirmimit që është infektuar është dërguar në izolim në shtëpinë e saj.

Një ditë më vonë, ajo filloi të shfaqte simptoma të lehta, dhe një test i dytë gjithashtu doli pozitiv. Një mostër e testit të saj u dërgua në një laborator të specializuar për analiza të mëtejshme. Gjermania të martën zgjati masën e ndalesës së udhëtimeve nga Mbretëria e Bashkuar deri më 6 janar.