LIGJET E BIZNESIT
Ish-kryeparlamentarja Jozefina Topalli ka folur së fundmi për Euronews rreth arsyeve që e shtynë ti rikthehet politikës duke hapur një parti të re.
Ajo fajëson kryetarin aktual të PD Lulzim Basha për gjendjen e opozitës dhe shprehet se falë tij, Rama ka gjasa që të fitojë dhe një mandat tjetër.
“Është presoni dhe garancia, që Edi Rama ka qenë tetë vite në pushtet, me të cilët ndan shumë gjëra përtej politikes, dhe që është elementi dhe arma, me të cilën Edi Rama do të përpiqet të marrë mandatin tretë. Sondazhet e bëra në Shqipëri flasin për një realitet krejt të ri për atë, që ëndërrojnë tre kryetarët. Është unike në botë. Që të flitet se shqiptarët janë të pakënaqur 70% ndaj opozitës se sa ndaj qeverisë. Unë e jam e bindur se ato nuk e duan këtë qeveri, është e korruptuar, mbytur në skandale, e paaftë për të qeverisur, e dështuar në çdo fushë të vendit, por ato kanë kuptuar “po të kishte pasur opozitë, Edi Rama nuk do ishte sot”, ndaj dhe 70% e shqiptarëve janë të pakënaqur nga opozita”, tha Topalli.
