Lajm i trishtë për bluzat e bardha/ Ndahet nga jeta një tjetër mjek pas infektimit nga virusi (EMRI)

Një tjetër humbje e madhe vjen në rradhën e bluzave të bardha.

Mësohet se ka ndërruar jetë mjeku i njohur nga Kosova Afrim Tasholli.

Lajmin e trishtë e ka bërë të ditur kryetari i komunës së Ferizaj, Agim Aliu.

Në reagim thuhet se shëndetësia e Ferizajt humbi njërin nga emrat më të spikatur e më të dashurin profesionist.

Tutje, ai ka shprehur ngushëllime familjes, kolegëve të tij, gjithë komunitetit shëndetësor e bashkëqytetarëve ferizajas.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern

Njoftimi i plotë i kryetarit:

Me dhembje të madhe e zemërthyer, mora lajmin për ndarjen nga jeta të profesionistit të rrallë, qytetarit shembullor, mikut tim të shtrenjtë, Dr. Afrim Tasholli.

Ferizaj është në zi, shëndetësia e Ferizajt humbi njërin nga emrat më të spikatur e më të dashurin profesionist.

Pa fjalë, i tronditur nga kjo ndarje e parakohshme nga jeta, i shpreh ngushëllime të sinqerta familjes Tasholli, kolegëve të tij, gjithë komunitetit shëndetësor e bashkëqytetarëve ferizajas.

Dritë pastë shpirti i tij!