Europa në alarm/ Mjeku i njohur tregon se sa infektues është mutacioni i ri i virusit në Angli

Një nga temat më të përfolura ditët e fundit përsa i përket pandemisë është dhe ajo e shfaqjes së një mutacioni të ri të k oronavirusit në Britaninë e Madhe.

Në lidhje me këtë ka folur dhe mjeku i njohur imunolog Genc  Sulçebe.

Sipas tij ky lloj i ri i virusit nuk rrezikon të jetë më shumë vdekjeprurës se sa ai aktual.

PJESE NGA BISEDA NE STUDIO

Sulçebe: Ngjitet 2 herë më shpejt se sa varianti aktual i koronavirusit. Dhe kjo është vënë re në strukturën qelizore. Po bëhen studimet më të thella për të parë nivelin e këtij mutacioni, se sa i rrezikshëm është.

Fevziu: Pse shtetet evropiane, përfshirë dhe Shqipërinë mbyllën kufijtë me Britaninë?

Sulçebe: Vetë kryeministri britanik komunikoi se kemi të bëjmë me një variacion të virusit i cili është i transmetueshëm pothuajse 2 herë më shpejt. Por thuhet që nuk është më tepër vdekjeprurës.

Fevziu: A e pengon vaksina këtë mutacion të ri, ose a është vaksina efikase kundrejt këtij virusi?

Sulçebe: Duhet të themi që është një proces i gjatë. Që të shohim efektin e vaksinës duhet të presim 6-7 muaj. Deri tani kështu thuhet, por duhen të priten studimet e mëtejshme. Atë do e tregojnë në laborator me personat të cilët janë infektuar. Është shumë herët të flasim për këtë gjë. Por nëse flasim në përgjithësi nga pikëpamja imuniatare duhet që vaksina ta luftojë dhe këtë mutacion.