Casijas del i përlotur nga spitali: Nuk e di se çfarë më rezervon e ardhmja

Ish-portieri i Realit të Madridit dhe kombëtares së Spanjës, Iker Kasiajs ka dalë nga spitali. Portieri iberik u shtrua me urgjencë disa ditë më parë për shkak të një ataku kardiak, por fatmirësisht ia doli që ta kapte në kohë dhe tashmë është jashtë rrezikut për jetën.

Pasditen e sotme portieri spanjoll ka dalë nga spitali dhe para medieve është shprehur shumë i emocionuar për momentin delikat që kaloi. Ai u shpreh mirënjohës për të gjithë ata që janë shqetësuar për të në këto ditë, madje për një moment është parë edhe i përlotur.

“Para disa ditësh pata një problem. Është e vështirë për mua që të flas, jam shumë mirënjohës sepse pata fat. Jam ndjerë shumë i dashur nga ata që janë shqetësuar për mua. Falenderoj mjekët e spitalit, stafin e Portos dhe të gjithë”, deklaroi Casillas.

Më tej, portieri aktual i skuadrës së Portos në Portugali foli mbi gjendjen e tij aktuale. Kasijas tha se nuk e di çfarë do të ndodhë në të ardhmen, por se tashmë i nevojitet një periudhë pushimi.  “Ndihem shumë më mirë. Do të pushoj disa javë ose disa muaj. Nuk e di se çfarë do të më rezervojë e ardhmja, e rëndësishme është që tani dola nga spitali”.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern

Kasijas është konsideruar si një nga portierët më të mirë të dekadave të fundit, ku arriti të fitonte çdo gjë me Realin dhe kombëtaren spanjolle.