U ekzekutua në sy të partneres/ Identifikohet shqiptari që humbi jetën në një restorant të Spanjës

Një ngjarje e rëndë ka ndodhur së fundmi në Spanjë.

Brandon Bregu, 42-vjeç nga Lushnja është ekzekutuar në El Alibir, në restorantin “The Orange Tree”.

Ngjarja ka ndodhur dy ditë më parë dhe sipas mediave të huaja shqiptari është vrare teksa po hante në shoqërinë e partneres së tij.

Viktima u qëllua për vdekje me 5  plumba nga një person i maskuar.

Sipas mediave vendase policia spanjolle është duke hetuar si pistë kryesore larjen e hesapeve, por ende nuk dihen detaje të tjera.

Hetimet për zbardhjen e ngjarjes kanë filluar dhe pista kryesore është ajo e “spiunimit”, pasi nëntorin e shkuar 6 persona u arrestuan në të njëjtën zonë për falsifikim dokumentesh, trafik droge dhe grup kriminal. Mes të arrestuarve kishte edhe shqiptarë. Megjithatë nuk është bërë me dije nëse viktima ishte pjesë e grupit, apo një nga elementët që u përdor për shkatërrimin e tyre.