Demokratët në zi/ Ndahet nga jeta ish-kryetari i PD. Basha i pikëlluar: Humba një mik të vyer

Një lajm i hidhur vjen sot për Partinë Demokratike.

Mësohet se është ndarë nga jeta ish-kryetari i kësaj force politike në Patos, Luan Mustafaj.

I ndjeri ishte njëherësh anëtar i Këshillit Kombëtar.

Lajmin e trishtë e ka dhënë kryetari i Partisë Demokratike Lulzim Basha.

“Jam i hidhëruar nga lajmi tragjik i ndarjes nga jeta të Luan Mustafajit, anëtar i Këshillit Kombëtar të Partisë Demokratike, ish-Kryetar i PD-së Dega Patos dhe një ndër administratorët e spikatur të qeverisjes tonë lokale e qendrore gjatë gjithë këtyre tri dekadave.

Ngushëllimet e mija më të ndjera bashkëshortes Natasha, fëmijëve, nënës dhe vëllezërve për humbjen e dhimbshme të bashkëshortit, babait, birit dhe vëllait të tyre të shtrenjtë.

Patosi ka humbur një nga qytetarët e tij më të devotshëm, unë një mik dhe bashkëpunëtor të vyer dhe Partia Demokratike një prej anëtarëve dhe drejtuesve të saj më aktivë. U prehtë në paqe”, shkruan Basha.