Nuk ndalet revolta e të rinjve/ Pas vrasjes së Klodian Rashës, kjo është faqja e re që është hapur

Nuk ndalet revolta e të rinjve për vrasjen e Klodian Rashës më 8 dhjetor nga një efektiv policie pranë banesës së tij në Tiranë.

Një faqe e re është hapur ndërkohë me emrin :  ‘unjamklodiani.com.’

Nëse klikon mbi këtë link, rrjedhimisht në ballinën e saj lexon thirrjen për protestë që po  zhvillohet sot që në orën 18.00.

Pak më poshtë sheh që kërkesat e tyre janë të ikë e gjithë komanda drejtuese në vend, duke nisur nga kryeministri Rama, Ardi Veliu, drejtorë të policisë dhe shefi i ‘Shqiponjave’ Krenar Gjokutaj.

Poshtë secilit prej tyre, nëpërmjet polls, është shtruar pyetja “Të ikë?”.

Kujtojmë se prej 3 ditësh në mbarë vendin po protestohet në disa qytete të Shqipërisë.

Në Tiranë ka patur përleshje të pjesëmarrësve me efektivët e policisë të cilët ju janë përgjigjur me autobote me ujë dhe gaz lotsjellës.

Të rinjtë nuk tërhiqen, edhe pse shumë prej tyre janë shoqëruar në komisariat.