Revolta e protestuesve/ Kjo është parulla që po bën sot xhiron e rrjetit, ja çfarë shkruhet në të

Në ditën e tretë të protestave për vrasjen e Klodian Rashës, policia sot ka mbajtur një qëndrim ndryshe, duke ndërhyrë për të shpërndarë protestuesit menjëherë sapo ata u mblodhën para kryeministrisë dhe Ministrisë së Brendshme.

Forcat Speciale kanë ndjekur protestuesit nëpër rrugët e Tiranës me autoblinda që hedhin ujë me presion dhe duke qëlluar me gaz lotsjellës.

Protestuesit sot kanë qenë më të qetë, por policia nuk i ka lejuar që të mblidheshin në një zonë të vetme.

Ndërkohë mësohet se dhjetra të rinj janë shoqëruar në komisariate.

Një nga parullat që simbolizon më mirë atë që ndodhi këto ditë është ajo që u shfaq në sheshin “Nënë Tereza” nga një protestues: “Më shumë mjete ka policia për të na vrarë, sesa mjekë për të na shpëtuar”.