“Nuk fliste prej 6 muajsh me Ramën” Artan Hoxha zbardh ‘prapaskenat’ e dorëheqjes së Lleshajt: Kishin probleme

Mbrëmjen e sotme gazetari investigativ Artan Hoxha ka komentuar dorëheqjen e ministrit të Brendshëm Sandër Lleshaj dhe mesazhin e kryeministrit Edi Rama përpara këtij vendimi.

Hoxha rrëfeu ndër të tjera ‘prapaskenat’ mes dy figurave të mësipërme politike, duke thënë se Rama dhe Lleshaj kishin të paktën probleme prej 6 muajsh me njëri-tjetrin.

“Kryeministri dhe ministri i Brendshëm kanë të paktën 6 muaj që kanë probleme në komunikimin mes tyre. Ministri edhe më përpara ka tentuar të japë dorëheqjen nuk është pranuar, është refuzuar.  Dhe në këtë moment ministri edhe për shkak të situatës ka gjetur këtë zgjidhje.

Rama edhe mund ta shkarkonte por e la të japë dorëheqjen se nuk është as deputet dhe as ndonjë zyrtar i rëndësishëm i PS-së, ishte këshilltar i tij. Rama vendosi të shfrynte situatën duke shkuar në banesën e viktimës, prandaj unë e quaj operacion ‘pr’, dhe e shiti që unë jam ky që kërkon ndjesë dhe falje.  Pastaj bëri deklaratën, shikoni standardin që vendos unë, unë nuk jam Sali Berisha. Pra, ai doli dhe tha jam kush jam unë, ne nuk jemi si ata, policia nuk është si dje” tha Artan Hoxha.