LIGJET E BIZNESIT
Pak minuta më vonë, në orën 18.00 pritet të nisë protesta e dytë para Ministrisë së Brendshme, për vrasjen e të riut Klodian Rasha dy ditë më parë nga një efektiv policie në Tiranë.
Dje pati tensione, ku personat e pranishëm kërkuan drejtësi për këtë ngjarje të rëndë dhe dorëheqjen e ministrit Sandër Lleshaj.
Ndërkohë sot mësohet se policia ka marrë masa shtesë lidhur me protestën, ndërsa krahas uniformave blu që kanë rrethuar godinën e Ministrisë së Brendshme, janë vendosur edhe barriera hekuri për të krijuar distancën mes qytetarëve dhe policisë.
Një ditë më parë gjatë protestës u regjistruan disa incidente që nisën te Ministria e Brendshme, vijuan te Kryeministria, ndërsa policia përdori gazin lotsjellës dhe sprite paralizues.
Edhe sot duket se në skenarin e policisë është përdorimi i gazit, nëse do të ketë përplasje mes policisë dhe qyetarëve, ndërsa një pjesë e efektivëve në rrethimin e godinës së Ministrisë së Brendshme, kanë edhe pajisjet anti-gaz.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
Gjithashtu, masa janë marrë edhe rreth Kryeministrisë, ku duket se janë instaluar edhe efektivët e FNSH, që do të ndërhyjnë vetëm në rast të precipitimit të situatës.
