Virusi ‘shuan’ bluzat e bardha/ Po kurohej prej ditësh në Itali, ndërron jetë mjeku Drini Dobi

Një tjetër lajm i hidhur vjen për mjekësinë shqiptare.

Mësohet se ka ndërruar jetë neurologu Drini Dobi, si pasojë e komplikacioneve të shkaktuara nga C.OVID19.

Ai ishte nisur për një kurim më të specializuar në Itali, por nuk ka mundur ta fitojë betejën me virusin e rrezikshëm.

Prej disa ditësh në rrjetet sociale, kishte nisur një fushatë për mbledhjen e fondeve, të cilat do të përdoreshin për mjekimin e specializuar të një prej mjekëve më të njohur në fushën e neurologjisë, në një nga spitalet italiane.

Para dërgimit në Itali, Dobi po trajtohej në Tiranë pasi ishte infektuar me k.oronavirus, që i kishte shkaktuar komplikacione dhe në gjendje të rënduar shëndetësore.