“Nuk mund të vazhdojë detyrën” Deputetja bën thirrjen e fortë: Ministri Lleshaj të japë dorëheqjen

Deputetja Rudina Hajdari ka lëshuar një thirrje të fortë.

Ajo deklaron se mbështet protestën e mbajtur pas vrasjes së të riut Klodian Rasha nga efektivi i policisë ditën e djeshme.

Sipas Hajdarit, ministri i Brendshëm Sandër Lleshaj nuk mund të vazhdojë më detyrën dhe duhet të japë dorëheqjen.

“Mijëra qytetarë u mblodhën sot para Ministrisë së Brendshme për të kërkuar përgjegjësi mbi vrasjen e Klodian Rashës nga një oficer policie.

Isha dhe do jem mes tyre dhe do ta ngre zërin në Parlament për këtë vrasje, derisa drejtësia të bëhet e plotë.

Ministri Lleshaj nuk mund të vazhdojë më detyrën dhe i bëj thirrje të japë dorëheqjen.

Ai na ka thënë se mbas çdo polici është fytyra e tij, e sot ajo fytyrë ka vrarë një njeri të pafajshëm, ndaj nuk mund ta vazhdojë më detyrën”, shprehet Hajdari ndër të tjera.