LIGJET E BIZNESIT
Mjeku Genc Sulçebe ka deklaruar mbrëmjen e sotme se të gjitha vaksinat e krijuara deri më tani, përfshirë Pfizer dhe Moderna janë të besueshme.
Ai deklaroi se sa më shpejt të bëhet vaksina, aq më para do ti themi lamtumirë pandemisë.
I ftuar në emisionin “5 pyetje nga Babaramo” Sulçebe tha se njerëzit nuk kanë pse të kenë frikë nga vaksina pasi ajo nuk shkakton dëme në organizëm, pasi ajo jep reagimin imunitar që duhet ndaj COVID-19 dhe më pas largohet nga trupi duke u degraduar. Edhe ato efekte anësore si dhimbje koke, këputje apo temperaturë janë të përkohshme pa dëme në organizëm.
Sulçebe tha se efikasiteti i vaksinës anti-covid është tepër i lartë 95%, më shumë se vaksina e gripit që është 50-60 %, ndërsa shtoi që personi që bën injeksionin e parë i duhet 3-4 javë që të fitojë imunitetin ndaj COVID, ndërsa ë injeksionin e dytë bëhet nxitja më e madhe e këtij imuniteti duke luftuar edhe më fort virusin.
“Vaksina do të bëjë fikjen e pandemisë, sa më shpejt aq më mirë. Vaksinat janë disa dhe implementimi i tyre është një faktor i rëndësishëm tani. Mendoj se te gjitha vaksinat janë të besueshme dhe kushdo që do të vije në Shqipëri të vij sa më shpejt, pasi të gjitha kanë një efekt të mirë dhe janë të besueshme. Nuk kemi pse të kemi frikë nga vaksina, pasi ajo futet në organizëm, nxit imunitetin dhe më pas degradon ikën, nuk ka asnjë pasojë në organizëm, nuk kanë efekte të dëmshme. Në injeksionin e dytë që duhet 3-4 javë diferencë ka disa efekte anësore si lodhje, këputje, temperaturë, por të përkohshme. Efekti shkon në 95 % e vaksinës anti-COVID, që është shumë i lartë, më e lartë se ajo e gripit që e ka 40-60 %. Imuniteti i vaksinës fitohet pas një muaji. Studimet më të thelluara kanë treguar se kush do bëjë vaksinë dhe kush e ka kaluar infeksionin do të jetë i mbrojtur për disa vite, ndërsa raste të rralla janë ata që kanë antitrupa vetëm për 6-8 muaj.”, tha Sulçebe.
