Konkurentët e ‘Përputhen’ nuk pyesin për rregulla, mblidhen në lokal dhe kërcejnë me muzikë të lartë (VIDEO)

Komiteti Teknik i Ekspertëve ndaloi grumbullimin më shumë se 10 persona në ambientë të mbyllura për të parandaluar përhapjen e koronavirusit.

Por duket se rregullat nuk vlejnë për të gjithë, pasi në një video që po qarkullon në rrjet shihen konkurentët e emisionit “Përputhen” që kërcejnë në një lokal, duke mos respektuar asnjë rregull.

Me muzikën “në qiell” dhe pa ruajtur disatncën sociale, këta persona argëtohen pa e prishur terezinë, ndërkohë që gjobat për qytetarët e tjerë apo pronarët e disa bareve dhe restoranteve lëshohen çdo ditë e më shumë.

Këta personazhe publik në vend që të japin shembullin e mirë duke respektuar rregullat e vendosura nga Komiteti Teknik, i shkelin “me të dyja këmbët”, madje duke mos e çarë kokën fare, pasi siç duket janë të bindur se rregullat nuk vlejnë për ta dhe askush nuk mund t’i ndëshkojë.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern