LIGJET E BIZNESIT
Në kohën që e gjithë bota po pret në ankth për një zgjidhje në lidhje me pandeminë, kanë folur edhe vullnetarët e vaksinës anti-C.OVID19, të prodhuar nga kompania Pfizer.
Ata janë shprehur se efektët që ajo jep janë të ngjashme me gjendjen e drobitur që vjen pas konsumimit të ekzagjeruar të alkoollit.
Ky raport i vaksinës dhe efektet anësore të saj që deri më tani ka rezultuar e sigurtë, vjen disa ditë pasi Pfizer dhe partnerët e saj gjermanë BioNTech, njoftuan se efekti parandalues është deri në 90%.
Kanë nisur tashmë porositë e shteteve të tjera për blerjen e saj.
Gjatë testimeve, rreth 43,500 vullnetarë nga gjashtë shtete morën injeksionin, pa u treguar nëse ishin injektuar me vaksinën apo më nje ‘placebo’, duke iu referuar injeksionit të paefektshëm që jepet për të studiuar efekte të mundshme psikologjike.
44 vjeçari Glenn Deshields, nga Austin, Texas, tha se efektet e vaksinës ishin të ngjashme me “një gjendje të rëndë si ajo pas konsumit të alkoolit,” por që largohej pas pak kohësh.
Prodhuesit thonin se Deshields kishte krijuar anti-trupa pasi mori 2 injeksionet e vaksinës se vertete.
Ndërsa një grua 45-vjeçare nga Missouri tha se kishte pasur ethe, dhimbje trupore pas injeksionit të parë, dhe të tjera efekte të ngjashme me gripin, madje edhe më të rënda pas injeksionit të dytë.
Në një deklaratë mbi efektivitetin e vaksinës, kreu i Pfizer, Dr Albert Bourla, tha: “Sot është një ditë e madhe për shkencën. Rezultatet e para të testimeve provojnë aftësinë e saj për të parandaluar C.ovid-19.”
