‘Më kushtoi shumë’ Analistja tregon faturën ‘e kripur’ të trajtimit nga virusi, Brataj: Shyqyr që e ke akoma mëlçinë

Në kohën që pandemia vijon të pushtojë vendin tonë, njerëz të ndryshëm flasin për koston e lartë që ka trajtimi për këtë virus.

Ndërkohë mbrëmjen e sotme, në studion e emisionit “Opinion” , po diskutohet gjithashtu për këtë temë dhe sa kushtojnë medikamentet që janë përdorur për mjekimet ndaj pacientëve.

Analistja e njohur e biznesit, Mira Pogaçi, e cila arriti ta mposhtte koronavirusin, tregoi se sa i kushtoi trajtimi i COVID-19.

Ajo tha se ka bërë 3 vizita që i kanë kushtuar në total 9000 lekë, 2 sete analizash që i kanë kushtuar 223 mijë lekë, 2 tamponë për COVID me vlerë 240 mijë lekë, dhe 2 skaner me vlerë 220 mijë lekë.

Ndërkohë ilaçet që ajo përdori gjatë trajtimit janë: 2 antibiotikë me vlerë 30 mijë lekë, antivirali me vlerë 370 mijë lekë, holluesi i gjakut 108 mijë lekë, kortizoni dhe ilaci për kollë 10 mijë lekë, vitamina 50 mijë lekë dhe oksimetri 50 mijë lekë.

Në total, analistja Mira Pogaçi ka paguar për trajtimine COVID 1 milion e 391 mijë lekë.

3 Vizita                                                                     90.000 lekë (të vjetra)
2 sete analizash + test seriologjik                           223.000 lekë
2 Tampone, në fillim dhe në fund                            240.000 lekë
2 Skaner                                                                  220.000 lekë
Oksimetër                                                                  50.000 lekë

TOTALI                                                                     823.000 lekë

Ilaçet:

Antibiotik 1 + antibiotik 2                                       30.000 lekë
Antiviral                                                                370.000 lekë
Hollues gjaku për 30 ditë                                     108.000 lekë
Të tjera (kortizon, ilac për kollë)                           10.000 lekë
Vitamina për 30 ditë                                               5.000 lekë

TOTALI                                                                   568.000 lekë

Por pasi Pogaçi tregoi për ilaçet që kishte marrë, drejtori i Urgjencës Kombëtare Skënder Brataj i tha se me kaq shumë ilaçe, ajo ishte me fat që e kishte mëlçinë akoma.