LIGJET E BIZNESIT
Profesor Kita Sallabanda, i cili punon në departamentin e neurokirurgjisë në Madrid ka kritikuar trajtimin me antibiotikë në Shqipëri.
Sipas tij ka raste të infektuarish me COVID19 që mund të trajtohen vetëm me paracetamol dhe ibuprofen.
Në një lidhje direkte me emisionin “Opinion”, u shpreh se aktualisht në Spanjë trajtimi kushton 900 euro po pjesa më e madhe e medikamenteve rimbursohen nga shteti.
“Kam vënë re që në Shqipëri, i supertrajtojnë njerëzit. Kam njerëzit e mi që i kam trajtuar me paracetamol dhe ibuprofen. Kam parë skemat e mjekimit që i kanë mbushur me antibiotikë dhe antiviralë që nuk kanë asnjë efekt. Tani përdorim antibiotikët me kile që nuk është e nevojshme. Në Spanjë, trajtimi shkon në 900 euro privatisht me të gjitha kushtet e trajtimit. Pjesën më të madhe të ilaçeve i marrim nëpërmjet rimbursimit të shtetit, pra kosto reale është shumë më e vogël”, tha Sallabanda.
Më pas Sallbanda tregoi rastin e një familjari që është aktualisht me Covid në vendin tonë dhe i kanë dhënë një recetë të thjeshtë me vetëm tre ilaçe, pa antibiotikë.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
“Kam një njeriun tim sot të sëmurë dhe i kanë dhënë një recetë të thjeshtë trajtimi që i kam thënë atë duhet të bësh: ka paracetamol, vitamin D, vitamin C. Sipas kushteve mund të vihen gjëra të tjera por nuk mund të bëjmë trajtim kaq agresiv sa në Shqipëri”, shtoi Sallabanda.
