“Pse u përça PD?” Jozefina Topalli rrëfen prapaskenat: Ja kush e mban Ramën në pushtet

Ish-kryetarja e parlamentit Jozefina Topalli pak kohë më parë konfirmoi rikthimin në politike me anë të “Lëvizjes për Ndryshim”.

Ndërkohë ajo nuk i ndal akuzat ndaj kreut të PD Lulzim Basha.

Sipas saj lideri demokrat ka bërë pazare me Ramën për ta lënë atë në pushtet.

“Ka një kompromentim të misionit opozitar. Ka një Pazar që mban Ramën kryeministër. Kush fitoi nga çadra? Po mos të ishte pazari i 17 majit sot me shumë mundësi Rama nuk do të ishte kryeministër. Kush ka përfitu nga djegia e mandateve, Rama apo opozita? Kush ka përfitu nga mos kandidimi në bashki? Kjo opozitë ja ka bërë më të lehtë Ramës qëndrimin në pushtet”, tha Topalli.

Më pas Topalli ngriti pyetjen se kush e përçau Partinë demokratike dhe sipas saj Basha duhet të lirojë vendin për përfaqësuesit e partisë politike.

“Kush e përçau PD? Nuk është tmerr të bësh hap mbrapa dhe të lirosh vendin për ata që janë përfaqësuesit e partisë politike. Këtë e bën një drejtues i ri i pakorruptuar. Në zgjedhjet e 25 Prillit, ke zgjidhje krejt të reja.”, u shpreh Topalli për “Open”.