Aksident i rëndë në Tiranë/ Motori përplaset me bordurën, plagoset drejtuesi 33-vjeçar

Një aksident i rëndë ka ndodhur sot në mbrëmje në Tiranë.

Mësohet se në rrugën “Sokrat Miho” një 33-vjeçar ka humbur kontrollin e motorit dhe është përplasur me bordurat anësore.

Shtetasi me iniciale A.K., është transportuar me urgjencë në spital dhe ndodhet nën kujdesin e mjekëve.

Grupi hetimor dhe shërbimet e Policisë ndodhen në vendngjarje dhe vijojnë punën për sqarimin e rrethanave të ngjarjes.

NJOFTIMI ZYRTAR I POLICISE

Tiranë/Informacion paraprak:

Në datën 10.11.2020, rreth orës 19:35, në rrugën “Sokrat Miho”, shtetasi A.K., 33 vjeç, ka humbur kontrollin e motorit dhe është përplasur me një bordurë anash rrugës.

Për pasojë ai është dëmtuar dhe është dërguar menjeherë në spital, ku ndodhet nën kujdesin e mjekëve.

Grupi hetimor dhe shërbimet e Policisë ndodhen në vendngjarje dhe vijojnë punën për sqarimin e rrethanave të ngjarjes.