Fitoi bastin 1.3 milionë dollarë për fitoren e Biden, i ndodh ajo që s’e priste

Një person i cili ka qëndruar anonim për mediat, ka vendosur një bast prej 1.3 milionë dollarësh për fitoren e demokratit Joe Biden, por ende nuk është shpërblyer nga kompania.

Sipas kompanisë më të madhe të basteve, Betfair Exchange, personi nuk mund t’i marri akoma 710 mijë dollarët nga fitimi pasi teorikisht zgjedhjet në SHBA nuk kanë mbaruar ende sepse Donald Trump nuk e ka deklaruar akoma humbjen dhe çështja është çuar në Gjykatën e Lartë.

Gjithashtu, Betfair, shprehet se fituesi do t’i marri menjëherë paratë në momentin që çdo gjë do bëhet zyrtare edhe nga gjykata ose ish-presidenti Trump të pranojë humbjen.

Zgjedhjet presidenciale në SHBA ishin eventi më i madh në historinë e kompanisë pasi u vendosën baste me një total prej 744 milion dollarësh, gjë e cila hodhi poshtë rekordin e mëparshëm prej 261 milion dollarësh të zgjedhjeve të vitit 2016.