“Kujt po i shërben Edi Rama?” Paloka nxjerr videon e dyshimtë të kryeministrit

Kryeministri Edi Rama akuzoi pak ditë më parë Partinë Demokratike se kur ishte kjo forcë politike në pushtet, u miratua një rezolutë nga ana e Shqipërisë për raportin e Dick Martyt.

Menjëherë pas kësaj, ka reaguar nënkryetari i PD, ish-deputeti Edi Paloka.

Sipas këtij të fundit trafiku i organeve nuk ekziston farë në aktakuzën ndaj ish-drejtuesve të UÇK-së.

Paloka shprehet se Edi Rama po bën punën e presidentit serb, Aleksandër Vuçiç i cili synon të njollosë luftën e UÇK-së.

“Kujt po i shërben Edi Rama që po akuzon UÇK pë trafik organesh? Pse Edi Rama po e rinxjerr këtë tezë, kur, në fakt, vetë Hashim Thaçi dhe të tjerë thonë se nuk janë pyetur kurrë për këtë çështje. As në aktakuzë nuk ekziston. Sepse Edi Rama po bën punën e Vuçiçit për ta bërë pis UÇK-në dhe luftën e Kosovës. Tradhtari i kombit lobonte dje për ndarjen e Kosovës, sot riciklon akuzat e Serbisë për trafik organesh”- shkruan ai.