A do të mbyllet sërish Shqipëria? Ja si përgjigjet Mira Rakacolli

A po shkon vendi drejt rimbylljes pas shifrave shumë shqetësuese?

Zëvendësministrja e Shëndetësisë, Mira Rakacolli, tha sot për Euronews Albania se situata po bëhet shumë shqetësuese, por sipas saj pavarësisht rasteve të rritje të të infektuarve, për momentin nuk po mendohet asnjë skenar, i cili planifikon rimbyllje.

“Ne jemi duke ndjekur me shumë vëmendjen situatën. Problemi i shëndetit është problem kompleks, që është i lidhur me ekonominë, por edhe me problemet e tjera sociale. Ne nuk duam të mbyllemi krejtësisht siç bëmë në fillim. Këtë nuk e duam as ne dhe as qytetarët. Që në mos të arrijmë këtu nuk e kemi në dorë ne, por këtë e kanë në dorë qytetarët. Të përdoret maska me shumë dëshirë. Njerëzit nuk e mbajnë maskën në mënyrë korrekte, vazhdojnë të qëndrojnë me orë të zgjatura në bare e restorante dhe nuk ruajnë distancën”, u shpreh Rakacolli.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern