A ka shqiptarë të plagosur nga tërmeti në Turqi? Ja çfarë thotë ambasadori Robo

Pas tërmetit shkatërrues dhe situatës që u krijua sot në Izmir ku shumë ndërtesa u shemben, ka folur dhe ambasadori i Shqipërisë në Turqi, Kastriot Robo.

“Tërmeti ishte shumë i fortë, 6,7 ballë sipas minsitrit të jashtëm turk. Deri më tani 6 godina janë shembur, është krijuar një situatë paniku në Izmir. Është një tërmet me të vërtetë shkatërrues.

Unë kam bërë dy komunikime me banorë në Izmir, ka hamendësime që nën rrënoja mund të ketë viktima. Me saktësi nuk e dimë, por është një qytet ku ka shumë shqiptarë, ka edhe shtetas shqiptarë të ardhur rishtazi, sëfundmi.

Jam në kontakte të vazhdueshme me ta, nuk kam një informacion të qartë. Mbani parasysh që situata është kritike. Po bëhet e pamundura që situata të përballohet”, ka delaruar ai për News 24.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern