“Unë nuk i besoj verbërisht as Ilir Metës” Kryemadhi flet për një bashkëpunim të mundshëm mes Ramës dhe Bashës

Kryetarja e LSI Monika Kryemadhi mbrëmjen e djeshme pas akuzave që bëri ndaj kryeministrit Edi Rama dhe kreut të Bashkisë Tiranë Erion Veliaj, foli dhe për marrëdhënien që mund të krijojë PD me PS në të ardhmen.

E pyetur se nëse trembet se mund të ripërsëritet marrëveshja e 17 majit mes Bashës dhe Ramës, Kryemadhi tha se është shumë mosbesuese duke u shprehur se lideri demokrat nuk ka pse bëhet ushtar i një kryeministri në ikje.

Duke shtuar më pas se kryedemokrati i ka të gjitha shances për të qenë kryeministër i ardhshëm.

‘Nuk besoj, sepse Basha i ka shanset të jetë kryeministër. Nuk ka pse të bëhet ushtar i një kryeministri në ikje.’

Kyetarja e LSI-së, njëkohësisht dhe bashkëshortja e Presidentit të vendit, tha se vërbërisht nuk i beson as Ilir Metës.

‘Unë nuk i besoj as Ilir Metës në mënyrë të verbër, prandaj jemi këtu ku jemi sot.’- përgjigje kjo që u dha pas pyetjes se mund të bëhet ndonjë bashkëpunim pas krahëve të saj.