Gjermania ka njoftuar sot se gjatë 24 orëve të fundit ka regjistruar 6,638 raste të reja me Covid-19, shifra më e lartë ditore që nga fillimi i pandemisë.
Instituti Robert Koch ka zbuluar sot në mengjës se 6,638 njerëz janë konfirmuar pozitivë për virusin gjatë 24 orëve të fundit. Rritja e mëparshme rekord prej 6,294 u regjistrua më 28 Mars. Rritja e numrave erdhi vetëm disa orë pasi kancelarja Angela Merkel u takua me udhëheqësit e 16 shteteve federale të Gjermanisë për të diskutuar vendosjen e kufizimeve më të ashpra për të ngadalësuar përhapjen e virusit.
Në fakt, Gjermania ia ka dalë shumë më mirë se fqinjët e saj në luftën kundër Covid-19, me 9,710 të vdekur deri tani dhe mbi 341,000 të infektuar në total. Pavarësisht, shifrave, qeveria atje ka vendosur dje disa kufizime për të shmangur një valë të dytë agresive.
Kërkesat për maskën do të shtrihen në zonat ku shkalla e incidencës është më e lartë se 35 raste për 100,000 banorë. Baret dhe restorantet gjithashtu do të kërkohet të mbyllen herët ndërsa mbledhjet do të jenë të kufizuara në 25 persona në publik dhe 15 persona në hapësira private.