Ministrja e Shëndetësisë Ogerta Manastirliu gjatë fjalës së saj në konferencën e përbashkët për shtyp që zhvilloi me kryeministrin Rama njoftoi se janë projektuar tre skenarë për rritjen e kapaciteteve spitalore.
Sipas Manastirliut, deri tani janë 550 shtretër për të trajtuar rastet me virus dhe në total do të jenë 1 600 shtretër përfshirë edhe me kapacitet e spitaleve rajonale.
“Kemi mbi 5 mijë raste active dhe 234 të shtruar në spitalet tona. Strategjia jonë rrit kapacitete spitalore në përballje me virusin duke projektuar 3 skenarë, vendosëm të kishim struktura të dedikuara. 550 shtretër për të trajtuar rastet covid. Kemi punuar për përfshirjen e spitaleve rajonale. 1600 shtretër përfshirë edhe kapacitetet e spitaleve rajonale”, tha ministrja.
Manastirliu njoftoi se garantohen 1000% terapitë si plazma hiperimune dhe terapia e remsidvirit, ndërsa shtoi se po vijojnë përgatitjet për testimin nëpërmjet laboratorit, si edhe janë rritur testimet dhe gjurmimi.
“Garantojmë 100% të terapive si plazmën hiperimune dhe kemi arritur të sigurojmë terapinë e remsidvirit. Kemi rritur kapacitet gjurmuese në të gjithë territorin mbi 80% e rasteve që janë të dyshuara testohen dhe izolohen. Në një periudhë vjeshte dhe dimri kërkon që të rriten më shumë kapacitetet qoftë për të shtuar personelin e epidemiologëve. Testimet që përveç faktit që kemi sot dy laboratorë shtetërorë ne përgatitemi për të rritur testimin nëpërmjet laboratoit dhe në pritje për teste e shpejta të vijojmë rritjen e testimeve në të gjitha strukturat e rëndësishme që kërkojmë të vijojmë aktivitetin si shkolla, bizneset. Sa u takon hapjes së shkollave Ministrja e Shëndetësisë theksoi se nuk ka pasur asnjë shpërthim epidemie që do tí detyronte të mbyllnin shkollat. Hapja e shkollave ishte një sfidë e vërtetë, për të hapur shkollat për të vënë e zbatuar protokollet. Deri tani nuk kemi patur asnjë vatër shpërthimi epidemie në shkolla, por nuk kemi mbyllur deri më sot asnjë shkollë për arsye të shpërthimit atë që e kemi planifikuar në strategjinë tonë”, shtoi ajo.