“Shqipëria s’ka njohur kurrë trafikant më të papërgjegjshëm” Vjen përgjigja ‘rrufe’ e Metës për Ramën: Peng i bandave dhe armiqve

Pasi kryeministri Edi Rama deklaroi nga foltorja e Kuvendit se presidenti Ilir Meta takohej me shënjestrat e OFL, ka ardhur dhe reagimi i menjëhershëm i Kreut të Shtetit.

Me anë të një reagimi në rrjetet sociale, Meta shprehet se Shqipëria nuk ka njohur kurrë një trafikant më të papërgjegjshëm se Rama, i cili sipas tij është peng i bandave dhe armiqve të Shqipërisë.

Kreu i Shtetit, shton më tej se nëse ndonjë mik i huaj i është ankuar Ramës për Metën, atëherë kryeministri t’i kërkojë leje, sepse Presidenti do të publikojë gjithçka që ka thënë, në mënyrë që e gjithë bota ta marrë vesh se për cilët ‘miq’ bëhet fjalë.

“Mister 1 Prilli, ti gënjen edhe kur s’e hap gojën. MOS GUXO të vesh dorë mbi Marrëveshjen e 5 Qershorit! Shqipëria kurrë s’ka njohur trafikant më të papërgjegjshëm se sa ti, peng i bandave dhe armiqve të Shqipërisë. Po e preke 5 qershorin, Ilir Metën do e kesh në çdo shesh të Shqipërisë dhe ti do ëndërrosh fatin e shokut tënd që ngeli dhe pa parti. Nëse ndonjë mik i huaj të është ankuar për mua, kërkoji leje se e publikoj unë se çfarë i kam thënë, që ta dëgjojë mbarë bota se për ç’miq bëhet fjala,”- shkruan Meta.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern