Pas rastit skandaloz të raportuar në shkollën e Bulqizës, ku ishin infektuar me virus drejtori dhe mësuesit, ku ende vijonte procesi mësimor, një tjetër shkollë është bërë ‘pre’ e virusit.
Rreth 6 mësues kanë rezultuar pozitivë ndaj COVID-19.
Në fillim është infektuar një mësuese e gjimnazit dhe më pas tamponët u janë bërë të gjithë personave me të cilët ajo është shoqëruar.
Nga përgjigjet e testeve kanë rezultuar pozitivë edhe 5 mësues të tjerë, ku për mësuesit e infektuar janë përsëritur përsëri me urgjencë tamponët ditën e sotme.
Por duket sikur asnjë masë nuk është marrë për për shëndetin e nxënësve të klasave ku japin mësim mësuesit e infektuar, pasi ata janë kontakte të vazhdueshëm të tyre dhe duhej po ashtu të kryenin testin.
Aktualisht në Përmet shënohen 16 raste aktive me virus dhe 2 vdekje prej tij.
Kurse në të gjithë vendin janë gjithsej 13259 raste pozitive që nga fillimi i pandemisë dhe 377 humbje jete përkatësisht (Qarku Tiranë 179, Durrës 46, Shkodër 40, Elbasan 26, Fier 20, Korçë 19, Lezhë 16, Kukës 10, Dibër 8, Vlorë 7, Gjirokastër 4, Berat 2.)