‘Kam një mision për të kryer’ Lleshaj pyetet për dorëheqjen, ndërhyn Balla: Ka luftuar krimin në Elbasan

Ministri i Brendshëm Sandër Lleshaj ka qenë sot i pranishëm në Elbasan.

Teksa prezantonte strukturat e reja të Policisë së Shtetit, ai ishte shoqëruar dhe nga deputeti i zonës Taulant Balla, i cili është njëkohësisht dhe kreu i grupit parlamentar të Partisë Socialiste.

Por për një moment, Lleshaj nuk arriti ti shpëtonte dot pyetjeve të gazetarëve nga fundi i ceremonisë.

Sot ata donin të dinin nëse ministri do të largohej nga detyra apo jo.

Menjëherë Lleshaj u tha se është ende në detyre dhe nuk e ka menduar asnjëherë dorëheqjen.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern

“Mundohuni të kuptoni pyetjet për të kuptuar dhe përgjigjet”, tha Lleshaj.

Do të qëndroni apo do të largoheni?

Unë nuk dorëhiqem , eci përpara sepse kam një mison për të krye, -vazhdoi ai.

I pranishëm në ceremoni ishte edhe Balla, i cili nuk u përmbajt pa thënë disa fjalë para gazetarëve.

“ Kjo historia e lajmeve që ju prodhoni që hedh dikush një gur në lum dhe të gjithë të tjerët duhet ta ndjekin është bërë e zakonshme dhe duhet të marrë fund. Lleshaj ka bërë dhe po bën një punë të shkëlqyer për të luftuar krimin. Situata krimit në Elbasan muajt e fundit e shkëlqyer. Ngjarje si ajo e mbrëmshjma ndodhin në të gjitha vendet”, tha Balla, i cili e mbylli fjalën e tij duke thënë se policia është në rrugën e duhur dhe duke u larguar i kënaqur.