U qëllua me dy plumba në kokë, zbulohet identiteti i shqiptarit që u ekzekutua në Greqi

Një shqiptar është gjetur i vrarë mbrëmjen e djeshme në Kevalla. 58 vjeçari Martin Rica u gjend i vrarë me armë zjarri në një ullishte në vendin e quajtur Kariani, në afërsi të Kavallës, në Greqinë veriore.

Sipas policisë, shtetasi shqiptar punonte ne këtë zonë që prej disa vitesh dhe njihet si person pa probleme dhe punëtor i mirë. Burime policore i thanë Top Channel se viktima kishte dy shenja plumbash në kokë dhe gjoks, por ende nuk dihet lloji i armës së përdorur si dhe shkaqet e ekzekutimit të tij.

Gjeneralitet e viktimës i janë dërguar autoriteteve shqiptare në tentativë për zbardhjen e shkakut të vrasjes. Trupi i tij u dërgua në morgun e spitalit të Kavallës për ekzaminim mjeko ligjor, ndërsa policia ka nisur hetimet për zbardhjen e krimit.