Kryeministri Edi Rama ka publikuar një video në rrjetin social Facebook, ku shfaqet ministrja Ogerta Manastirliu, e cila ka inspektuar qendrën shëndetësore në Kombinat, së bashku me Silva Binon.
Në video ka komentuar një qytetare, e cila shprehet se realiteti është shumë më ndryshe. Ndër të tjera, ajo hedh akuza të rënda duke thënë se duhet të paguash lekë për të marrë shërbim.
Rama i ka kthyer përgjigje komentueses duke i thënë se të flaës me emra konkretë dhe të mos hedhë baltë mbi punën e stafit mjekësor.
“Mos hidh baltë që po e tregojnë veten në ditën më të errët për shëndetin publik për shkak të pandemisë!”, i përgjigjet kryeministri.
Replikat nga ana e qytetares kanë vazhduar, duke i bërë me dije kryeministrit se mund t’i denoncojë me emër dhe mbiemër nëse do të kishin mundësi të takoheshin.
https://streamable.com/5kcj2w
