LIGJET E BIZNESIT
Pas situatës së krijuar në Kakavijë, ku qindra emigrantë shqiptarë pritën në rradhë 5 ditë rresht për të kaluar në shtetin grek, presidenti Ilir Meta ka dalë në një konferencë urgjente.
Kreu i Shtetit ka hedhur akuza të forta në drejtim të qeverisë duke thënë se asnjë institucion përgjegjës nuk njoftoi qytetarët në lidhje me rregullat që do të udhëtonin.
“Situata e kaluar në Kakavijë ka të bëjë me përgjegjësitë e pa ushtruara në kohën e duhur nga ana e qeverisë kundrejt shtetasve të saj. Ajo duhet të marrë masat në kohën e duhur per shtetasit e saj.
Çfarë informacioni u është dhënë atyre që udhëtonin në Greqi, në kohën e duhur. Përgjegjësia është vetëm mbi qeverinë dhe shtetin. Kakavija mban një ngarkesë mjaft të madhe dhe muaji gusht mbetet tepër i ngarkuar aq më tepër në kushtet e sivjetshme në kushtet e pandemisë ku kërkohej një trajtim krejt i vençantë, në mënyrë që të parandalohej ajo që ndodhi dje.
Një qeveri e ndërgjegjshme nuk reagon pas krijimit të situatave të jashtëzakonshme por i parandalon. Dje rrezikuan shëndetin mijëra qytetarë në kushte të vështira. Askush nuk i lajmëroi qytetarët për kushtet e reja për tu futur në shtetin fqinj. Asnjë institucion nuk lajmëroi.
Kjo është e pafalshme dhe e papranueshme sepse është papërgjegjshmëri. Falë kontributit të gazetarëve shpëtoi jeta e një fëmije 11 muajshe. Të gjithë strukturat duhet të ndjekin lëvizjen e shtetasve tanë. Qeveria duhet të sigurojë tamponë për qytetarët, sepse cmimi eshte i lartë. Falenderoj median për rolin e jashtëzakonshëm që luajti. Dua tu kërkoj ndjesë të gjithë qytetarëve si president, që kaluan gjithë ato vuajtje”, u shpreh Meta gjatë fjalës së tij.
