Pas kaosit të krijuar në Kakavijë, Policia Rrugore ka vendosur pika kontrolle në akse në mënyrë që ti kërkojë të gjithë qytetarëve që janë në pritje të kthehen mbrapsht.
Situata vijon të jetë ende problematike, pavarësisht masave të marra për normalizimin e gjendjes.
Ndërkohë në Kakavijë kolona e automjeteve i ka kaluar 20 kilometra.
Kjo ka bërë që autoritetet të kërkojnë kthimin e qytetarëve për në shtëpitë e tyre, pasi kalimi drejt Greqisë do të jetë i pamundur përgjatë orëve të ardhshme.
Kujtojmë se me 16 gusht Greqia do të aplikojë masa të reja kufizuese për lëvizjen në dogana si dhe do të bëjë të detyrueshme karantinën 7 ditore për cilindo qytetar që do të futet në territorin grek.