E rëndë/ 29-vjeçari me koronavirus hidhet nga kati i 3 i ‘Shefqet Ndroqit’, ndërron jetë në vend

Një ngjarje e rëndë ka ndodhur orët e para të mëngjesit të sotëm në spitalin COVID2 “Shefqet Ndroqi”.

Mësohet se 29 vjeçari me iniciale Xh,K është hedhur nga kati i tretë dhe për pasojë ka ndërruar jetë.

Viktima ishte i infektuar me COVID19 dhe kishte disa ditë i shtruar.

Ende nuk dihen shkaqet e këtij veprimi ekstrem.

“Rreth orës 04:30 të mëngjesit, dyshohet se është vetëhedhur nga kati i 3 i një spitali shtetasi XH.K., 29 vjeç, e për pasojë ka ndërruar jetë. Grupi hetimor dhe shërbimet e Policisë ndodhen në vendngjarje dhe vijojnë punën për zbardhjen e plotë të rrethanave të ngjarjes”, bën me dije policia në njoftimin zyrtar.