“I urtë, por jo inteligjent”, zbulohen regjistrat e arsimimit të Ylli Ndroqit

Prokuroria e Posaçme kundër Korrupsionit dhe Krimit të Organizuar Tiranë sekuestroi të gjithë pasuritë e biznesmenit Ylli Ndroqi, pasi vlera e tyre nuk mund të justifikohej.

Pas kësaj dolën detaje të reja në lidhje me të shkuarën e biznesmenit dhe akuza nga Zyra Qendrore Kombëtare e Interpolit.

Në media po qarkullojnë dokumente në lidhje me arsimimin 8-vjeçar në fshatin Ndroq të Ylli Ndroqit.

Në shënimet e lëna nga mësuesja e fillores, lexohet se ai ka pasur vështirësi në mësime dhe përshkruhet si një fëmijë i urtë, por jo inteligjent.

Ndërkohë, në klasën e dytë, viti 1973, Xhemail Pasmaçiu, rezultoi ngelës në lëndën e gjuhës, që më pas do duhej ta frekuentonte në vjeshtë për të kaluar klasën.