Zjarret në banesa dhe mos sigurimi. Mungesa e kulturës që po na kushton të ardhmen

Një banesë u dogj në Pukë dy ditë më parë. Nga flakët gjetën vdekjen një çift bashkëshortësh dhe fatmirësisht, shpëtuan anëtarët e tjerë të familjes. Një ngjarje e ngjashme ndodhi në fillim të prillit në një market në Elbasan, ku flakët rrezikuan edhe objektet e tjera përreth, përfshi këtu shtëpi.

Në fund të marsit, zjarri ra në një banesë në Shkodër, në katin e tretë të një pallati, ku një vajzë rrezikoi seriozisht jetën.

Ngjarje të tilla ndodhin gati çdo ditë në Shqipëri, duke u shndërruar në një alarm për banorët, por edhe komunitetin.

Të përbashkët nuk kanë vetëm përfshirjen nga flakët, por edhe që janë të pasiguruara. E thënë ndryshe, qytetarët neglizhojnë të sigurojnë banesat apo jetën dhe shëndetin. Një policë sigurimi që kushton jo me shumë se 60 euro në vit dhe që do t”i mbronte nga fatkeqësi të tilla.

Rasti i djegies së banesës në Pukë, ku prindërit humbën jetën është më tragjiku. Kjo edhe për atë që ndodh më pas me 4 fëmijët e mitur. Sigurimi i jetës së prindërve do të përkthehej në të ardhura të konsiderueshme për fëmijët, jeta e të cilëve do të ishte më e lehtë nga pikëpamja ekonomike. Për shkak se ky sigurim nuk është bërë, këta fëmijë sot përballen përveç dhimbjes, edhe me bukën e gojës.

Sipas të dhënave nga Autoriteti i Mbikëqyrjes Financiare, primet e sigurimit vullnetar, gjatë dy muajve të parë të këtij viti  arritën rreth 0.85 milionë lekë, 5.35% më pak se në të njëjtën periudhë të një viti më parë.

Numri i kontratave të sigurimit vullnetar pësoi një rënie vjetore prej 1.33%.

Të dhënat e detajuara tregojnë se në portofolin sigurimi nga zjarri dhe forcat e natyrës, gjatë periudhës janar – shkurt 2019, vihet re një ulje prej 2.41% e volumit të primeve të shkruara bruto. Tkurrja e sigurimeve ndodh në një kohë kur ngjarje të tilla janë shtuar dhe po ashtu, edhe kompensimet që kanë bërë kompanitë.

Mungesa e kulturës për t”u siguruar, por edhe informacioni i paktë po u kushton shumë shtrenjtë shqiptarëve sot. Po u kushton jo vetëm të tashmen, por edhe të ardhmen.

Secili prej nesh mund ta llogarisë vetë se sa pak na kushton të sigurojmë shtëpinë apo shëndetin, sepse tani kompanitë e sigurimit ta ofrojnë online një shërbim të tillë.

Kliko në link: https://sales.sigal.com.al/OnLineInsurancePolicy/index.aspx?prod=3