Ylli Ndroqi në ambientet e televizionit: Erion Veliaj është njeriu që nuk përballet dot me të vërtetën

Sipërmarrësi Ylli Ndroqi ka qenë në ambientet e televizionit Ora News, e cila është nën sekuestro preventive.

Ai ka takuar gazetarët dhe u ka dhënë një mesazh të fortë dhe të gjitha sekuestrimet i ka kosideruar si një sulm politik.

Ndroqi shprehet se të tilla sulme ka pasur në kohën e PD-së e PS-së, në kohën kur Edi Rama dhe Lulzim Basha kanë qenë në krye të Tiranës, pork y me Erion Veliajn është më interesanti. Sipas tij kryebashkiaku nuk e pranon të vërtetën.

“Ju jap kurajo të jemi më të përkushtuar për punën dhe tu tregojmë opinionit publik që jemi këtu për të përcjellë vetëm të vërtetën.”

Për Ndroqin, ky nuk është sulmi i parë politik që i bëhet kësaj media madje nuk do të jetë as i fundit.

Me qetësi se çdo gjë do të shkojë në vendin e duhur, po nuk patëm furtuna të tilla normalisht nuk do të ekzistojmë më dhe nuk do të bënim punën që kemi marrë përsipër ta bëjmë. Për gati 13 vite une nuk di të jem bërë palë me të majtën a të djathtën. Ka pasur problem edhe në kohën e PD-së, në kohën e PS-së, në kohën kur Rama ka qenë kryebashkiak, në kohën e Bashës, por edhe me Erion Veliajt. Por më interesanti dhe njeriu që nuk përballet dot me të vërtetën është Erion Veliaj dhe ky është sulm politik.

Presidenti u largua nga redaksia duke u përcjellë mesazhin të mos ndalin punën për t’u përcjellë qytetarëve të vërtetën dhe vetëm të vërtetën”, është shprehur Ndroqi.