LIGJET E BIZNESIT
Nuk është hera e parë që mes ish-kryeministrit Sali Berisha dhe ish-ministrit të Brendshëm Saimir Tahiri ka përplasje, edhe pse në distancë.
E njëjta gjë ka ndodhur dhe së fundmi.
Në kohën që Tahiri ka vendosur të nisë pushimet në Jug të Shqipërisë, ka zgjedhur të ndajë pamje nga pushimet që mesa duket po i kalon i qetë me familjen.
Por njëra prej fotografive të tij ka rënë pre e montazhit, ku prapa ish-ministrit është montuar një fushë me kanabis.
Ish-kryeministri Berisha e ka nxjerrë në profilin e tij duke shkruar: Hashash pushimi!
Ky postim nuk i ka shpëtuar Saimir Tahirit, i cili menjëherë ka reaguar me humor, duke ironizuar Berishën.
“Vetëm ky nuk më zhgënjen kurrë”, shkruan Tahiri, i cili mesa duket e ka marrë me sportivitet situatën, pasi dhe postimin e ka shoqëruar me disa figura që qeshin.
