E FUNDIT/ Preket nga virusi mjeku në Berat, dërgohet me urgjencë në Spitalin Infektiv

Spitali i Beratit ka kaluar së fundmi një situatë alarmante.

Sipas informacioneve një mjek kirurg është infektuar me COVID19 dhe për pasojë i gjithë Reparti i Kirurgjisë është mbyllur.

Më pas mjeku 40-vjeçar me iniciale E.Q është dërguar me urgjencë drejt Spitalit Infektiv.

Gjendja e tij është përkeqësuar pasi ai vuan dhe nga sëmundja e diabetit.

Nga ana tjetër, të gjithë punonjësit e repartit po i nënshtrohen tamponit.

Pas konfirmimit “pozitiv” të  kirurgut,Drejtoria e Shëndetit Publik në Berat dhe Inspektoriati i Higjenës kanë mbyllur Repartin e Kirurgjisë dhe kanë kryer edhe dezinfektimin e sallave të operacionit dhe ambjenteve të tjera të Repartit.