Presidenti Ilir Meta është i mendimit se listat e hapura 100% janë e vetmja rrugë për rivendosjen e parlamentarizmit në vend.
Sipas Metës, populli do të zgjedhë më mirë se kryetarët, madje propozon që populli duhet të zgjedhë edhe Presidentin e Republikës.
Postimi i Ilir Metës:
Listat e hapura 100% janë e vetmja rrugë për rivendosjen e parlamentarizmit dhe llogaridhënies në vend.
Populli do të zgjedhë shumë më mirë se Kryetarët, të cilët i kthyen deputetët në kartonngritës shkatërrues të interesit publik, shtetit ligjor dhe demokracisë.
Bashkë me deputetët populli duhet të zgjedhë drejtpërdrejt në të ardhmen edhe Presidentin e Republikës.
Koha që shqiptarët të zgjedhin dhe të flasin vetë!
SOVRANITETI NË REPUBLIKËN E SHQIPËRISË I PËRKET POPULLIT!